Meta Llama 3: Meta चे नवीन AI मॉडेल Llama 3 लॉन्च, ChatGPT आणि Gemini ला देणार तगडी टक्कर

Meta Llama 3: मेटा (Meta) ने त्यांचे आर्टिफिशिअल इंटेलिजंस (AI) मॉडेल, लामा (Llama 3) जारी केले आहे. Meta चे नवीन AI मॉडेल Lama 3 हे 8 बी आणि 70 बी पॅरामीटर्सच्या पॉवरसह येते. कंपनीचे म्हणणे आहे की, लार्ज लँग्वेज मॉडेल मेटा एआय, लामा 3 त्याच्या पूर्ववर्ती मॉडेलच्या तुलनेत चांगल्या क्षमतेसह येते. विशेष म्हणजे, Llama 2 सह, सर्वात मोठे मॉडेल 70 बी होते, परंतु यावेळी कंपनीने सांगितले की, त्यांच्या मोठ्या मॉडेलमध्ये 400 बिलियन पॅरामीटर्स असतील.

कंपनीचे म्हणणे आहे की, नवीन मॉडेल लामा 3 मेटा एआयला नवीन पावर देईल, ज्याने अलीकडेच व्हॉट्सॲप, इंस्टाग्राम आणि फेसबुकसाठी भारतात टेस्टींगसाठी लॉन्च केले आहे. हे मॉडेल प्रश्नांची उत्तरे देऊ शकते आणि कंटेंट संबंधित इतर अनेक काम करू शकते. हे तुमच्यासाठी मेसेज टाइप करू शकते, ईमेल तयार करू शकते. रिअल टाइम बातम्या सांगू शकतो.

त्याच्या पॉवर आणि परफॉर्मंसबद्दल बोलताना, सोशल मीडिया जायंटने त्याच्या प्री ट्रेंड आणि निर्देशित मॉडेल्ससाठी लामा 3 चे बेंचमार्क स्कोअर शेअर केले. पूर्व प्रशिक्षित सामान्य संभाषणा करणारे एआय आहे. या निर्देशित मॉडेल्सचा उद्देश विशिष्ट कार्ये पूर्ण करणे आहे. लामा 3 70 बी च्या प्री ट्रेंड मॉडेलने MMLU म्हणजेच मॅसिव्ह मल्टी टास्क लँग्वेज अंडरस्टँडिंग (79.5 वि 71.8), बिग बेंच हार्ड (81.3 वि 75.0) आणि DROP (79.7 वि 74.1) बेंचमार्कमध्ये Google च्या जेमिनी 1.0 प्रो आणि एमएमएलयू, ह्यूमनएवल आणि जीएसएम-8 च्या बेंचमार्कमध्ये 1.5 प्रो मॉडेललाही मागे टाकले.

मागील मॉडेल्सप्रमाणेच नवीन फाउंडेशन मॉडेल्स ओपन सोर्स असतील. मेटाने आपल्या ब्लॉग पोस्टमध्ये सांगितले की, "Llama 3 मॉडेल लवकरच AWS, Databricks, Google Cloud, Hugging Face, Kaggle, IBM WatsonX, Microsoft Azure, Nvidia NIM आणि Snowflake वर उपलब्ध होतील आणि AWS, Dell, Intel, NVIDIA आणि Qualcomm आणि एएमडीने ऑफर केलेले हार्डवेअर प्लॅटफॉर्मच्या सपोर्टसह उपलब्ध होतील,"

लिस्टमध्ये सर्व प्रमुख क्लाउड, होस्टिंग आणि हार्डवेअर प्लॅटफॉर्मचा समावेश आहे. त्यामुळे AI मॉडेल्स वापरणे सोपे होते. याव्यतिरिक्त, Meta ने आपल्या मेटा एआय सोबत Llama 3 ला एकिकृत केले आहे. याला सपोर्ट असलेल्या देशांमध्ये फेसबुक मेसेंजर, इंस्टाग्राम आणि व्हॉट्सॲप द्वारे ऍक्सेस केले जाऊ शकते. अलीकडेच याची टेस्टिंग भारतात सुरू झाली आहे.